ພາສາລາ​ວ
返回

ຂ່າວເດັ່ນ

首页

A+ A A-

返回

ທ່ານສີຈິ້ນຜິງສົ່ງຈົດໝາຍອວຍພອນກອງໜ້າເຍົາວະຊົນຈີນສ້າງຕັ້ງຂຶ້ນຄົບຮອບ 70 ປີ

2019-10-13 14:56:08

ຕາມຂ່າວ CRI: ເນື່ອງໃນໂອກາດກອງໜ້າເຍົາວະຊົນຈີນສ້າງຕັ້ງຂຶ້ນຄົບຮອບ 70 ປີ, ທ່ານສີຈິ້ນຜິງ, ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດ ປະທານຄະນະກຳມະການການທະຫານສູນກາງຈີນໄດ້ສົ່ງຈົດໝາຍອວຍພອນ, ຕາງໜ້າສູນກາງພັກກອມມູນິດຈີນສະແດງຄວາມຊົມເຊີຍແລະຝາກຄວາມຢື້ຢາມຖາມຂ່າວອັນຈິງໃຈມາຍັງສະມາຊິກເຍົາວະຊົນທົ່ວປະເທດ, ພ້ອມດ້ວຍຜູ້ຊ່ວຍອົບຮົມແລະຜູ້ເຮັດວຽກກ່ຽວກັບກອງໜ້າເຍົາວະຊົນທີ່ເຮັດວຽກຢ່າງດຸໝັ່ນຫ້າວຫັນເພື່ອພາລະກິດເດັກນ້ອຍເຍົາວະຊົນຂອງພັກກອມມູນິດຈີນ.

ໃນຈົດໝາຍອວຍພອນ, ທ່ານສີຈິ້ນຜິງຊີ້ໃຫ້ເຫັນວ່າ, ໃນ 70 ປີທີ່ຜ່ານມາ, ກອງໜ້າເຍົາວະຊົນໄດ້ຍຶດໝັ້ນການສຶກສາດ້ານການຈັດຕັ້ງ ເປັນເຈົ້າຕົນເອງແລະການລົງພຶດຕິກຳປະສານສົມທົບເປັນເອກະພາບກັນ, ໄດ້ປະກອບສ່ວນອັນສຳຄັນເພື່ອໃຫ້ພາລະກິດຂອງພັກແລະປະຊາຊົນຈີນໄດ້ຮັບການສືບທອດໄປທຸກເຊັ່ນຄົນ.

ກອງໜ້າເຍົາວະຊົນຈີນແມ່ນອົງການຈັດຕັ້ງເດັກນ້ອຍເວົາຍະຊົນຈີນທີ່ລິເລີ່ມສ້າງຕັ້ງແລະຊີ້ນຳນຳພາໂດຍພັກກອມມູນິດຈີນ ແລະໄດ້ມອບໝາຍໃຫ້ຄະນະໄວໜຸ່ມກອງມູນິດຈີນນຳພາໂດຍກົງ. ແຕ່ສ້າງຕັ້ງຂຶ້ນເມື່ອວັນທີ 13 ຕຸລາ ປີ 1949 ເປັນຕົ້ນມາ, ກອງໜ້າເຍົາວະຊົນຈີນໄດ້ຜັນຂະຫຍາຍທິດທາງການສຶກສາຂອງພັກຢ່າງຮອບດ້ານ, ໄດ້ປິ່ນອ້ອມສະພາບການໃຫຍ່ຂອງພັກແລະລັດຖະບານ, ອິງຕາມເອກະລັກພິເສດຂອງເດັກນ້ອຍເຍົາວະຊົນມາດຳເນີນກິດຈະກຳຕ່າງໆຢ່າງມີຊີວິດຊີວາ, ໄດ້ອົບຮົມບົ່ມສ້າງຜູ້ສ້າງສາແລະຜູ້ສືບທອດສັງຄົມນິຍົມຫຼາຍໆຮຸ້ນ. ປັດຈຸບັນ, ທົ່ວປະເທດຈີນມີສະມາຊິກກອງໜ້າເຍົາວະຊົນອາຍຸ 6-14 ປີປະມານ 130 ລ້ານຄົນ.