ພາສາລາ​ວ
返回

ຂ່າວເດັ່ນ

首页

A+ A A-

返回

ຈີນຮຽກຮ້ອງໃຫ້ປະເທດສະມາຊິກຂອງ ສປຊ ປະຕິບັດພັນທະດ້ານການເງິນ

2019-10-11 18:43:56

ຕາມຂ່າວ cri: ວັນທີ 11 ຕຸລານີ້ ທ່ານເກິງຊວງ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວວ່າ, ການຈ່າຍຄ່າບຳລຸງ ສປຊ ຕາມເວລາແລະຕາມຈຳນວນຢ່າງບໍ່ມີເງື່ອນໄຂແມ່ນພັນທະຂອງປະເທດຕ່າງໆທີ່ລະບຸໃນກົດບັດ ສປຊ. ຈີນຮຽກຮ້ອງໃຫ້ປະເທດສະມາຊິກຕ່າງໆໆຄວນປະຕິບັດຕາມພັນທະດ້ານການເງິນ ເພື່ອແກ້ໄຂຄວມຫຍຸ້ງຍາກດ້ານການເງິນຂອງອົງກາກນ ສປຊ.

ຫວ່າງມໍ່ໆນີ້ ທ່ານອັນໂທນິໂອ ກຸເຕີເຣສ໊ ເລຂາທິການໃຫຍ່ອົງການ ສປຊ ກ່າວວ່າ, ອົງການ ສປຊ ພວມປະເຊີນກັບວິກິດການດ້ານການເງິນທີ່ໜັກໜ່ວງທີ່ສຸດໃນຮອບ 10 ປີມານີ້, ປະເທດສະມາຊິກພຽງແຕ່ຈ່າຍບຳລຸງ 70% ໃນງົບປີ 2019 ເທົ່ານັ້ນ, ກອງເລຂາ ສປຊ ຈຳເປັນຕ້ອງໃຊ້ມາດຕະການຊົ່ວຄາວຕ່າງໆເຊັ່ນ: ໄຂກອງປະຊຸມໃຫ້ໜ້ອຍລົງ, ຫຼຸດການໃຊ້ຈ່າຍ, ເລື່ອນເວລາຈັບຈ່າຍລາຍໄດ້ຂອງພະນັກງານ.

ທ່ານເກິງຊວງກ່າວວ່າ: ແຫຼ່ງການເງິນທີ່ມີຈຳນວນພຽງພໍ່, ມີຄວາມໝັ້ນຄົງແລະຄາດຄະເນໄດ້ນັ້ນແມ່ນພື້ນຖານທີ່ໃຫ້ອົງການ ສປຊ ດຳເນີນງານຢ່າງເປັນນປົກກະຕິ, ການທີ່ຈ່າຍຄ່ຳບຳລຸງ ສປຊ ຕາມເວລາແລະຈຳນວນຢ່າງບໍ່ມີເງື່ອນໄຂນັ້ນ ແມ່ນພັນທະຂອງປະເທດຕ່າງໆທີ່ລະບຸໄວ້ໃນກົດບັດ ສປຊ. ອາເມລິກາໃນຖານະເປັນປະເທດໃຫຍ່ທີ່ຕ້ອງຈ່າຍຄ່າບຳລຸງ ສປຊ ຫຼາຍກວ່າໝູ່ນັ້ນ, ໄດ້ຕິດໜີຄ່າບຳລຸງເປັນເວລາດົນນານມາ, ລວມໄດ້ຕິດໜີຈຳນວນ 1 ຕື້ 5500 ລ້ານໂດລາ, ກວມ 76% ຂອງຍອດຈຳນວນຄ່າບຳລຸງທີ່ຖືກຕິດໜີ, ສະນັ້ນຫຼາຍໆປະເທດໄດ້ໃຫ້ຄວາມສົນໃຈຢ່າງສູງ. ພວກເຮົາຮຽກຮ້ອງໃຫ້ປະເທດສະມາຊິກຕ່າງໆຕ້ອງປະຕິບັດຕາມພັນທະດ້ານການເງິນ ເພື່ອແກ້ໄຂຄວາມຫຍຸ້ງຍາກດ້ານການເງິນຂອງ ສປຊ.

ທ່ານເກິງຊວງກ່າວວ່າ, ຈີນຍຶດໝັ້ນສະໜັບສະໜູນລັດທິຫຼາຍຝ່າຍ, ແລະສະໜັບສະໜູນອົງການ ສປຊ ດຳເນີນວຽກງານດ້ວຍການເຄື່ອນໄຫວຕົວຈິງ. ໃນຖານະເປັນປະເທດໃຫຍ່ອັນດັບທີ 2 ດ້ານການຈ່າຍຄ່າບຳລຸງຂອງ ສປຊ ແລະເປັນປະເທດທີ່ຮັບຜິດຊອບ, ຈີນໄດ້ຕັ້ງໜ້າປະຕິບັດຕາມພັນທະດ້ານການເງິນຂອງຕົນເອງ, ໄດ້ຈ່າຍຄ່າບຳລຸງປີນີ້ໃຫ້ຮຽບຮ້ອຍແລ້ວ. ທ່ານເລຂາທິການໃຫຍ່ກູເດີເຣ້ໄດ້ສະແດງຄວາມຍ້ອງຍໍຕໍ່ເລື່ອງນີ້.